Egnetomrereogmurere

Uangut pilluta

Siunertaq
AK Greenland nammineq tunisassiat atorlugit sanaartornermi sunniuteqarluarusuppoq.

Takorluukkat
AK Greenland sanaartorniarpoq assassornermi ileqqutoqqat atorlugit sullitagut inuiaqatigiillu nuannaarutissinniarlugit iluaqutissarsissukkumallugillu.

CSR
AK Greenland inuiaqatigiinnut pilersuissaaq periutsit marluk atorlugit. Inuiaqatigiit suliassaataat suliarissavarput suliamik pitsaasumik tunniussinitsigut inuiaqatigiillu sanaartugassatigut, iluarsaassatigut aserfallattaaliinikkullu pisariaqartitaat suliaralugit, inuiaqatigiit pigisaat nalillit siunissami pigiineqaannarniassammata inuillu najugaqarlutik sulillutillu illuni peqqinnartuni ullutsinnullu naleqquttuni.

Peqataanik sulisitsisutut pilersittarpagut suliffiit pitsaasut ataavartullu sulisugullu neqeroorfigisarlugit suliassanik pissaganartunik unamminartunillu, sullivimmi avatangiisit avatangiisillu silamiittut ataqqillugit aamma inuusuttunut misilittagaqareersunullu neqeroorutigisarparput ilinniarnissaq ilinniaqqinnissarlu assassornermi suleriaasitoqqat pigiinnarumallugit ineriartortikkumallugillu.

Avatangiisit, sullivimmi avatangiisit aamma pitsaassutsimik qularnaarineq
Kalaallit Nunaanni avatangiisit qajannartupilussuupput. AK Greenlandip eqqagalerinermut tunngatillugu nammineq piumasaqaatini malippai, atortussanik toqqaasarpoq avatangiisinik innarliinnginnerpaanik aamma ilisimaaraa akisussaaffeqarneq pitsaassuserlu. Suleriaatsini tamani pitsaassutsimik aqutsineq ilaavoq.

Avatangiisinut isumannaallisaanikkullu politkkit malinnaavigineqarput ataavartumillu nakkutigineqarlutik taamatullu aamma piumasaqaatit sulisunut tamanut sullissisunullu allanut atuupput. Sullivimmi pitsaasumik atugaqarnissaq pingaartinneqarpoq. Tarnikkut sullivimmi avatangiisit pitsaasut sullivimmi pitsaasumik pilersitseqataapput.
Naqitaq paasissutissaq piumajuk: Sullivimmi isumannaallisaaneq

Nassaaritigut
AK Greenland Nuummi allaffeqarpoq aalajangersimasumillu atorfilinnik sanasoqarlunilu sulianut aqutsisoqarpoq.

Suliat suliarineqartarput AK Greenlandip nammineq sulisuinit Danmarkimilu Adserballe & Knudsenip sulisuinit kiisalu Kalaallit Nunaanni suleqatinit ajukkunnanngilluinnartunit.

Adserballe & Knudsen Kalaallit Nunaanni sulilerpoq 1962-mi. 2012-mi Nuummi allaffittaarpugut suleqatigut sanaartortitsisullu qalliumallugit.